Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


U het my siel weer van die dood bevry;
in droefenis droog U, o Heer, my trane;
U lei my voet langs nuwe lewensbane,
om in u lig te wandel, lewensbly.
- Psalm 116:5 (Totius beryming) -
 

________________________


As iemand die wet van Moses oortree,
en twee of drie getuies bevestig dit,
word hy nie begenadig nie,
hy word doodgemaak.
Hoeveel swaarder straf, dink julle,
sal hy kry wat die Seun van God verag het,
die bloed van die verbond waardeur hy geheilig is,
geminag het en die Gees van genade beledig het?
- Hebreërs 10:28-29 -
 

________________________


Julle is vrygekoop en die prys is betaal;
moet dan nie slawe van mense wees nie.
- 1 Korintiërs 7:23 -
 

________________________


Julle weet tog dat julle nie met verganklike middele
soos silwer of goud losgekoop is
uit julle oorgeërfde sinlose bestaan nie.
Inteendeel, julle is losgekoop
met die kosbare bloed van Christus,
die Lam wat vlekloos en sonder liggaamsgebrek is.
- 1 Petrus 1:18-19 -

 

________________________


Hy het self ons sondes in sy liggaam aan die kruis gedra.
Daardeur is ons vir die sondes dood
en kan ons lewe in gehoorsaamheid aan die wil van God.
Deur sy wonde is julle genees.
Julle het immers soos skape rondgedwaal,
maar nou het julle teruggekom na julle Herder
en die Bewaker van julle lewe.
- 1 Petrus 2:24-25 -
 

________________________


Ek het gesmag na die hulp van die Here.
Hy het na my toe afgebuig
en my hulpgeroep gehoor.
Hy het my uitgetrek uit die put van die dood,
uit die slymerige modder,
my op 'n rots laat staan
en my weer op vaste grond laat loop.
Hy het my 'n nuwe lied in die mond gelê,
'n loflied vir ons God.
- Psalm 40: 2-4 -

 

________________________


God keer nie altyd die leed van ons weg nie,
maar Hy help ons daardeur.
- Johann Albrecht Bengel (1687 – 1752) -

 

________________________


Die mens se lewe is maar net 'n sug, 'n asemteug,
die vinnige afloop van 'n bergstroom na die reën,
'n verhaal wat snags by 'n kampvuur vertel word,
die gras van 'n oggend se groei.
- FB Meyer (1847 – 1929)  -
 

________________________


Die HERE dra sorg vir die lewensdae
van hulle wat onberispelik leef.
Hulle erfdeel bly vir altyd behoue.
Hulle sal nie beskaamd staan
in tyd van teenspoed nie,
en in tye van hongersnood
is hulle versadig.
- Psalm 37:18-19 (2020 vertaling) -
 

________________________


Moenie bang wees nie,
want Ek is by jou;
moenie vrees nie,
want Ek is jou God.
Ek versterk jou;
ook help Ek en ondersteun Ek jou
met my seëvierende regterhand.
- Jesaja 41:10 (2020 vertaling) -

 

________________________


Ons is almal lote van een stam
en ons eer en ons verdienste lê daarin dat ons dien 
- nie dat ons gedien en vereer word nie.
- John van der Berg (1913 - 1974) -
 

________________________


Here, by U vind ons geborgenheid,
vrede, blymoedigheid en vreugde.
- Fransiscus van Assisi (1182-1226) -
 

________________________


In ons beproewing is ons eintlik altyd alleen,
en ondanks die troos van ander
en die woord van meegevoel,
moet ons die stryd alleen stry in die stille uur
en in die binnekamer waar ons krag soek by Hom
wat die Gewer van alle goeie dinge is.
- John van der Berg (1913 - 1974) -

 

________________________


Sonder Christus het ons in die lewe geen vrede,
in die dood geen troos
en vir ons sonde geen vergewing.
- Theodor Fliedner (1800 – 1864) -
 

________________________


Moenie bang wees nie, klein kuddetjie,
want dit was die wil van julle Vader
om die koninkryk aan julle te gee.
- Lukas 12:32 -
 

________________________


Ons vreugde, ons vrede, ons rus,
die einde van al ons laste, is net by God.
Gelukkig is hulle wat hul harte net op Hom rig!
- Augustinus Aurelius (354 – 430) -
 

________________________


In 'n argument is dit nie noodwendig
die waarheid wat na vore kom nie,
maar die aard van die verhouding tussen die partye.
- Wladimir Goloborodko -

 

________________________


Lig jou ken
en ken jou Lig
- Magé Troskie (Hoër Meisieskool Oranje 2021) -

 

________________________


Dit is die Gees wat die wêreld bestuur
en nie die mens se intelligensie nie.
- Antoine de Saint-Exupéry (1900 – 1944) -
 

________________________


Die lewe is mooi
as jy dit met hoop en verwagting betrag.
- Engelbert Schinkel -
 

________________________


'n Gelukkige lewe is om die hede te kan geniet
met die hoop op die toekoms, dit is, die ewige lewe.
- Ambrosius (340 – 397 nC) -

 

________________________


God lei sy kinders
op wonderlike weë.
- Mechthild von Magdeburg (1210 – 1283) -
 

________________________


Sonder ophou bring ons dan
voor God ons Vader in herinnering
die werk van julle geloof,
die inspanning van julle liefde
en die volharding van julle hoop
op ons Here Jesus Christus.
- 1 Thessalonisense 1:3 -
 

________________________


Eensaamheid is die moeder van alle vrese en angs.
- Publilius Syrus (90 - 40 vC) -
 

________________________


Ons bestaan nie ter wille van besittings nie,
of ter wille van mag nie,
ook nie ter wille van geluk nie,
maar ons is daar om God te verheerlik  
deur die menslike gees.
- Walther Rathenau (1867 – 1922)
 

________________________


Ons bestaan nie ter wille van besittings nie,
of ter wille van mag nie,
ook nie ter wille van geluk nie,
maar ons is daar om God te verheerlik  
deur die menslike gees.
- Walther Rathenau (1867 – 1922)
 

________________________


Met blydskap moet julle die Vader dank
wat julle geskik gemaak het
om deel te hê aan die erfenis
wat vir die gelowiges wag in die ryk van die lig.
- Kolossense 1:12 -
 

________________________


Deur Christus het ook julle deel geword
van die volk van God
toe julle die waarheid wat aan julle verkondig is,
die evangelie van julle verlossing,
gehoor en tot geloof gekom het.
In Christus het die Heilige Gees
wat deur God belowe is,
julle as die eiendom van God beseël.
- Efesiërs 1:13 -

 

________________________


In werklikheid is die werklikheid
iets heel anders.
- Wolfgang Mocker (1954 – 2009) -
 

________________________


Mag ons God julle waardig maak
vir die lewe waartoe Hy julle geroep het,
en mag Hy deur sy krag julle liefde vir die goeie
en die werk van die geloof volkome maak.
- 2 Thessalonisense  1:11 -

 

________________________


Kopiereg: Lukas du Preez (dieweg.co.za). Ontwikkel op w3.css