Die vrede van God
is die mens se hoogste goed,
want hierdie vrede
bring vrede met jouself
en vrede met die wêreld.
 - Julie Burow (1806 - 1868) -
 

________________________

Doen jouself ‘n guns
en hou droewige gedagtes ver van jou af;
droefheid
het al die lewe van baie weggeneem;
dit help tog niks.
- Wysheid van Jesus Ben Sirag (190 vC) -
 

________________________

Vir U, o Here,
het U die mensehart geskape,
en daarom vind dit geen rus
behalwe in U nie.
- Augustinus Aurelius (354 - 430) -
 

________________________

Wanneer ek aan God dink,
is my hart so vol vrede,
dat die (musiek)note vir my
asof van 'n tolletjie loop.
- Joseph Haydn (Komponis) (1732 - 1809) -
 

________________________

Verbittering en afguns mislei die denke,
dit verwar die gees
en vertroebel die reinheid
van ons oordeel.
 - Petrus Chrysologus (380 - 450 nC) -
 

________________________

Onheiligheid is erg,
maar skynheiligheid is veel erger.
Skynheiligheid is die sonde van onheiligheid
plus die sonde van bedrog.
 - Ds J Overduin -
 

________________________

Die Christelike boodskap
ken geen grense
of partydigheid nie.
- Daniel T Niles (1908 -1970) -
 

________________________

Die mense streef na dinge
wat hulle nie nodig het nie
en slaan geen ag
op hulle ware seëninge nie:
dít wat hulle as geskenk ontvang het
en wat hulle met reg hulle eie kan noem.
 - Lady Mary Wortley Montagu (1689 - 1762) -
 

________________________

Die mooiste dinge in die lewe
kan nie gesien of aangeraak word nie,
dit moet met die hart gevoel word.
  - Helen Keller  (1880 – 1968) -
 

________________________

Die lewe bestaan uit ‘n
agtereenvolgende ry van lesse
wat jy moet leef
om dit te kan verstaan.
  - Helen Keller  (1880 – 1968) -
 

________________________

Daar is geen ware liefde
sonder geregtigheid nie
en geen ware geregtigheid
sonder liefde nie.
 - Adolf Kolping (1813 – 1865) -
 

________________________

Jy kan aanhou om jou kop
teen die muur te stamp,
maar dit is dalk beter
om met jou oë die deur te soek.
- Werner von Siemens (1816 - 1892) -
 

________________________

“Wat ek uit die laaste paar maande se
vertwyfeling, hulpeloosheid en
verdriet geleer het,
 is meer as gedurende
al die tientalle jare
as suksesvolle maatskappybestuurder”.
- Uit: Neukirchener Kalender 2012 -
 

________________________

Persoonlike krisisse
wat bemeester is,
is ‘n ervaring-skat
wat nie met waarde
gemeet kan word nie. 
 - Dieter Uecker -
 

________________________

Die eer verbied dikwels
wat deur die wet toegelaat word.
 - Lucius Annaeus Seneca (4 vC - 65 nC) -
 

________________________

Niemand is harder as hulle
wat sagmoedigheid veins nie.
- Luc de Clapiers Vauvenargues (1715 – 1747) -
 

________________________

As ek slegs één gebroke hart kon troos,
één lewe se seer en pyn kon verlig,
of één mossie kon terughelp na sy nessie,
sou my lewe nie nutteloos wees nie.
 - Emily Dickinson (1830 – 1886) -
 

________________________

Die meeste vrees verdwyn
wanneer ons dinge begin verstaan.
 - Marie Curie (1867 – 1934) -
 

________________________

Ons uiteindelike doel is die geluksaligheid,
maar die enigste middel
om hierdie doel te bereik
is geloof, deugsaamheid en geestelike groei.
 - Gottfried Wilhelm Freiherr von Leibniz (1646 - 1716) -
 

________________________

Ons leer uit die geskiedenis
dat ons nie uit die geskiedenis leer nie.
- Georg Hegel (1770 – 1831) -
 

________________________

Groot dinge kom tot stand
deur volharding,
eerder as deur krag.
- Samuel Johnson (1709 - 1784) -
 

________________________

Baie mense sou graag
'n eenvoudige lewe wou lei,
as die weg daarheen
net nie so moeilik was nie.
 - Justus Jonas (1493 - 1555) -
 

________________________

Die gelowige se aardse bestaan
is slegs die eerste paar moeilike treë
van ‘n onbegryplike en wonderlike lewe.
- Van 'n geskrif uit die 16de eeu -
 

________________________

Waar jy in stilte met God verkeer,
is daar geen onrus, nog verwarring.
- Franciscus van Assisi (1182 - 1226) -
 

________________________

Die meeste ellende ontstaan
uit die druk
wat mense op mekaar uitoefen.
- G. van Benthem van den Berg -
 

________________________

Alle paaie gaan voor my oop,
want ek wandel in nederigheid.
 - Johann Wolfgang von Goethe (1749 - 1832) -
 

________________________

Gelukkig is hulle wat weet
dat dissipelskap 'n lewe beteken wat
uit genade geleef word
en dat genade, dissipelskap beteken.
 - Dietrich Bonhoeffer (1906 – 1945) -
 

________________________

Die liefde heers nie,
maar dit vorm,
en dít sê meer.
 - Johann Wolfgang von Goethe (1749-1832) -
 

________________________

Ek glo,
sodat ek kan verstaan.
 - Anselm van Canterbury (1033 - 1109) -
 

________________________

Geloof is die geloof in die onsigbare.
Kennis is die geloof in die sigbare.
 - Oswald Spengler (1880 - 1936) -
 

________________________