Gebed is die asem van die geloof!

________________________

As God jou geestelike vertroosting skenk,
neem dit met danksegging aan,
maar verstaan dat dit 'n gunsbewys van God is
en nie jou eie verdienste nie.
(Uit: Thomas Á Kempis - De Imitatione Christi)

________________________

Jy kan nie die pyn in jou lewe vermy nie,
maar jy kan kies om daaroor te kom.
(Anoniem)

________________________

Onsterflikheid lê nie in dié dinge
wat jy agterlaat nie,
maar in die mense wat deur jou lewe
aangeraak is.
Phillip Schaf

________________________

Uiterlike skoonheid hou nie,
‘n mooi voorkoms is nie alles nie;
as sy die Here dien, dán verdien ‘n vrou om geprys te word.
Spreuke 31:30

________________________

Wanneer 'n mens nog nie sy ou natuur afgesterf het nie,
word hy dikwels versoek en oorwin deur
klein en onbenullige dingetjies.
(Uit: Thomas Á Kempis - De Imitatione Christi)

________________________

As jy iemand se karakter wil toets,
gee hom mag.
Warren Wiersbee
 

________________________

Wat julle ook al doen,
doen dit van harte soos vir die Here
en nie vir mense nie,
omdat julle weet dat julle van die Here
as beloning sal kry wat Hy belowe het.
Christus is die Here
in wie se diens julle staan.
(Kol 3:23–24)

________________________

Ons oordeel oor 'n saak word dikwels bepaal
deur die toestand van ons eie hart,
want die opregte oordeel gaan maklik verlore
deur die liefde vir onsself.
(Uit: Thomas Á Kempis - De Imitatione Christi)

________________________

Vertrou nie op vriende en verwante nie,
en laat nie jou heil aan die toekoms oor nie,
want die mense vergeet jou gouer as wat jy dink.
(Uit: Thomas Á Kempis - De Imitatione Christi)

________________________

Hy wat sy vreugde in díe van ander vind,
het die geheim van ware geluk ontdek.
George Barnados

________________________

Hoe gelukkig en wys is hy,
wat nou in die lewe só wil wees
as wat hy wens om gevind te word by sy dood.
(Uit: Thomas Á Kempis - De Imitatione Christi)

________________________

Hy het deur sy arm kragtige dade gedoen.
Hoogmoediges in die gedagtes van hulle hart
het Hy verstrooi.
Maghebbers het Hy van trone afgeruk
en nederiges verhoog.
Lukas 1:51-52

________________________

Hy het deur sy arm kragtige dade gedoen.
Hoogmoediges in die gedagtes van hulle hart het Hy verstrooi.
Maghebbers het Hy van trone afgeruk en nederiges verhoog.
Lukas 1:51-52

________________________

Dit gaan goed met die mens
wat deur U opgevoed word, Here,
vir wie U onderrig in u Woord
Psalm 94:12

________________________

Die mens wat alles verloor het
maar God vind
is ryker as hy wat alles besit
maar God verloor het.
A Barmenthlo

________________________

Jy word, as jy geprys word, nie heiliger nie,
en as jy verag word, nie slegter nie.
Jy is wat jy is,
en jy kan nie as beter geroem word,
as wat jy volgens God se getuienis is nie.
Uit: De Imitatione Christi (Die navolging van Christus)
 

________________________

Só moet jy sê in elke saak:
O Here, as dit U welgevallig is,
laat dit dan só geskied.
O Here, as dit U eer sal dien,
Laat dit dan in u naam geskied.
Uit: De Imitatione Christi (Die navolging van Christus)
 

________________________

Wat ek ookal kan verlang, of tot my troos bedink,
moet ek nie hier nie, maar hiernamaals eers verwag.
Want al sou ek al die troos van die wêreld alleen besit,
en al die bevredigings daarvan kon smaak,
is ek seker, dit kan nie ewig duur nie.
Uit: De Imitatione Christi (Die navolging van Christus)
 

________________________

Die aktiwiteite van die menslike verstand
is eerder daarop gerig om die waarheid te verberg
as om dit aan die lig te bring.
Leo Tolstoy

________________________

As jy jou kinders kan leer om God te vertrou
is dit meer werd as enige erflating.
Bennie Mostert

________________________

Teenoor die Here geld
geen menslike wysheid,
insig of besluit nie.
(Spreuke 21:30)

________________________

Daar is twee soorte Christene:
Die navolgers van Jesus
en dan die goedkoper weergawe:
die bewonderaars van Jesus.
Søren Aabye Kierkegaard, (1813 - 1855)

________________________

Wanneer ek die Bybel lees vind ek daarin
'n gans ander Christendom, godsdiens en lewe
as wat die hedendaagse mens voer.
Johann von Saalhausen, (1444 - 1518)

________________________

Dít waaraan jy jou hart hang en jou op verlaat,
dit is eintlik jou god.
Martin Luther, (1483 - 1546)
 

________________________

Die edelste in die lewe
is om getrou aan jouself te wees.
Elzéar-Alexandre Taschereau, (1820 - 1898)

________________________

Poog eers om te verstaan
en dan om verstaan te word.
(Stephen R Covey)

________________________

Die grootste bydrae tot 'n volk se welsyn
geskied gewoonlik deur die minderheid.

Ernest Rénan, (1823 - 1892)

________________________

God is vir ons ‘n toevlug en ‘n beskerming;
Hy was nog altyd bereid om te help in nood.
Daarom is ons nie bang nie, al gee die aarde pad,
al skuif die berge tot in die dieptes van die see,
al druis en skuim die waters van die see,
al skud die berge deur sy onstuimigheid.

Psalm 46: 2 -4

________________________

Toekomsvisie:
Wat die oog nie gesien en die oor nie gehoor het nie,
en wat in die hart van ‘n mens nie opgekom het nie,
dit het God gereed gemaak vir dié wat Hom liefhet.
1 Korintiërs 2:9 
 

________________________