Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Elke afdraai paadjie ken ek,
elke keer het ek verdwaal,
elke keer het U my iewers kom haal,
maak dit Heer die laaste maal.
Uit “Gebed”deur Koos du Plessis.
 

________________________


Die woord van God is lewend en kragtig.
Dit is skerper as enige swaard met twee snykante
en dring deur selfs tot die skeiding
van siel en gees en van gewrigte en murg.
Dit beoordeel die bedoelings en gedagtes van die hart.
- Hebreërs 4:12 -
 

________________________


Groot en wonderbaarlik is u dade, Here God, Almagtige.
Reg en betroubaar is u optrede, Koning van die nasies.
Wie sal U nie vrees nie, Here,
en u Naam nie verheerlik nie?
U alleen is heilig!
Al die nasies sal kom en U aanbid,
want hulle sal sien dat u handelwyse regverdig is.
- Openbaring 15:3-4 -
 

________________________


Daar is egter maar een Wetgewer en Regter,
en dit is Hy wat die mag het om te red en te verdelg.
Maar jy, wie is jy om regter te speel oor jou naaste?
- Jakobus 4:11 -
 

________________________


Jy hoef nie jouself eers te verander
voordat jy jou na God wend nie,
want omdat jy jou na Hom wend,
sal jy verander.
- Klaus Hemmerle (1929 – 1994) -
 

________________________


Ons werklike vaderland staan vir ons oop.
In die menswording het God
sy diepste geheimenis geopenbaar.
Die Seun van God word mens,
sodat die mens 'n tuiste het in God.
- Hildegard von Bingen (1098 – 1179) -
 

________________________


Gelukkig is dié mens
wat 'n rustige hart kan behou
in die chaos en die rumoer
van die moderne wêreld.
-  Patience Strong (1907 -1990)-
 

________________________


Uit die littekens wat die lewe agterlaat
groei dikwels nuwe lote.
- Willy Meurer (1934 – 2018) -
 

________________________


Here, in U arms is ek veilig.
Omdat U my vashou, het ek niks te vrees nie.
Ek weet nie wat die toekoms inhou nie,
maar ek vertrou alleen op U.
- Franciskus van Assisi (1182 – 1226) -

 

________________________


Die nuwe lewe begin nie
voordat die oue nie afgesterf het nie.
- Walter Ludin, Switserse journalis -

 

________________________


Sonder Christus het ons in die lewe geen vrede,
in die dood geen troos,
in ons sonde geen vergifnis.
- Theodor Fliedner (1800 – 1864) -

 

________________________


Die edelste in die lewe
is om getrou aan jouself te wees.
- Elzéar-Alexandre Taschereau, (1820 – 1898) -
 

________________________


My siel is onrustig in my,
totdat dit rus vind in God.
- Augustinus (354-430 nC) -

 

________________________


Ek sien ‘n nuwe hemel kom,
‘n aarde nuut en vry.
Die see en al wat skei verdwyn.
God self kom by ons bly.

‘Kyk, Ek maak alles nuut’, sê God.
‘Laat hom wat dors het, kom.
En hy sal vind, hy is My kind
Ek is ‘n God vir hom!’
- Gesang 177 -
 

________________________


In Christus het die Heilige Gees
wat deur God belowe is,
julle as die eiendom van God beseël.
Die Heilige Gees is die waarborg
dat ons ook verder sal ontvang wat God belowe het,
wanneer Hy almal wat aan Hom behoort,
volkome sal verlos.
Daarom moet ons sy grootheid prys.
- Efesiërs 1:13-14 -

 

________________________


Daarom is ek bly oor swakhede, beledigings, ontberings,
vervolging en moeilikhede ter wille van Christus,
want as ek swak is, is ek sterk.
- 2 Korintiërs 12:10 -
 

________________________


Is dit so dat geld die karakter bederf,
of ontbloot dit net die werklike karakter?
- Gudrun Zydek -

 

________________________


Christus het ons nie 'n moeitevrye reis belowe nie
maar wel 'n versekerde aankoms.
 

________________________


Maar nou dat julle vrygemaak is van die sonde
en diensbaar geword het aan God,
het julle jul vrug tot heiligmaking
en uiteindelik die ewige lewe.
- Romeine 6:22 (53-vertaling) -
 

________________________


Sonder God is die mens se lewe sonder doel,
sonder vaste hoop,
sonder 'n toekoms,
met net 'n ewige vrees vir die duistere onbekende.
- Johann Paul Friedrich Richter (1763 – 1825) -
 

________________________


Die meeste mense het nog nooit
met die Waarheid kennis gemaak nie
en is vasgevang in angswekkende ongeloof.
- Gottfried Wilhelm Leibniz (1646 – 1716) -
 

________________________


Dit is die grootste beloning vir die mens:
dat hy al sy hoop op God kan stel.
- Bernhard von Clairvaux (1091 – 1153) -
 

________________________


Ek hou die HERE altyd voor oë;
omdat Hy aan my regterhand is,
sal ek nie struikel nie.
- Psalm 16:8 -

 

________________________


Laat ons die wedloop wat vir ons voorlê,
met volharding hardloop,
die oog gevestig op Jesus,
die Begin en Voleinder van die geloof.
- Hebreërs 12:1-2 -
 

________________________


Die heilige diepte van die waarheid
word alleen aan die eerbiedige gees geopenbaar.
- Joseph Ignaz Philipp von Hessen-Darmstadt (1699 – 1768) -
 

________________________


Die lewe en die dood hoort saam op hierdie aarde.
In die ryk van God is daar net die lewe.
- Philipp Dessauer (1837 – 1900) -

 

________________________


Jy kan die wêreld nie verander nie,
maar jy kan vir een persoon die wêreld verander.
 

________________________


'n Lewe sonder liefde
is soos 'n boom sonder bloeisels of vrugte.
- Kahlil Gibran (1881-1931) -
 

________________________


Daar is maar net één wetenskap 
wat dien as basis vir die ware lewe in tyd en ewigheid:
die wetenskap van die heil van die mensheid in God.
- Johann Christoph Biernatzki (1795 – 1840) -

 

________________________


Dit is die wil van my Vader:
dat elkeen wat die Seun sien en in Hom glo,
die ewige lewe sal hê;
en Ek sal hom op die laaste dag
uit die dood laat opstaan.
- Johannes 6:40 -

 

________________________


Kopiereg: Lukas du Preez (dieweg.co.za). Ontwikkel op w3.css