Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


'n Groot wysheid is dit,
om op die dag van kwaad te swyg,
en jou innerlik na My te keer,
sodat menslike oordeel jou nie verwar nie.
(Uit: Die Navolging van Christus)

________________________


Die vinnigste manier vir iemand
om sy onafhanklikheid prys te gee
is om geld uit te gee wat hy nie besit nie.
Kemal Atatürk, (1881 - 1938)
 

________________________


'n Volk wat geen doel het om voor te leef nie,
sonder 'n uitsig op die toekoms,
raak afgetakel,
en verval soos 'n afgeleefde gebou.
(Die Weg)

________________________


Die weg van 'n mens is nie altyd
in sy eie mag nie,
maar God kom dit toe om te gee
en te vertroos.
(Uit: Die Navolging van Christus)

________________________


Begeertes ontvlam dikwels binne jou
en dryf jou volspoed voort,
maar oorweeg eers wat spoor jou die meeste aan:
My eer, of jou gewin?
As Ek die rede is,
sal jy tevrede wees
hoe Ek dit ookal beskik.
(Uit: Die Navolging van Christus)

________________________


Ek is maar net een mens, maar tog is ek 'n mens.
Ek kan nie alles doen nie,
maar nogtans kan ek iets doen;
en alhoewel ek nie alles kan doen nie,
weerhou dit my nie daarvan nie
om dít te doen wat ek kan.
Helen Keller
 

________________________


Draai jou gesig altyd na die son
dan sal jy nooit die skadu's sien nie.
Helen Keller

________________________


Om te weier om te vergewe
is om 'n brug te verbrand
waaroor jy dalk eendag moet loop.
Ierse spreekwoord
 

________________________


Ware liefde begin eers daar
waar jy werklik niks terug verwag nie.
Antoine de Saint-Exupery (1900 - 1944)

________________________


Wat ek ookal vandag doen is belangrik
omdat ek 'n dag van my lewe daarvoor gee.
(Anoniem)

________________________


Dit is nie maklik om vrede en geluk in jouself te vind nie
maar dit kan nêrens anders gevind word nie.
Agnes Repplier (1855 - 1950)
 

________________________


Bekommernis neem nie môre se probleme weg nie,
maar wel vandag se vrede.
(Anoniem)
 

________________________


Groot take word meestel nie deur krag volbring nie,
maar deur volharding.
(Samuel Johnson)

________________________


Hoe 'n mens die wêreld beskou
is 'n weerspieëling van sy karakter.
Peter Sirius, (1858 - 1913)
 

________________________


Buiten geloof vind jy jou grootste rus daarin:
om voldoening te vind in die roeping
waarin God jou geplaas het.
(Die Weg)

________________________


By my geboorte het ek die wêreld
in die slawerny van bygeloof gevind;
netso verlaat ek dit sterwend.
Frederik II., die Grote (1712 - 1786)

________________________


Ek trek saans my sorge saam met my klere uit.
Dit is sorge wat doodmaak,
nie werk nie.
Burggraaf Palmerston Palmerston(1784 - 1865)

________________________


Gaan waarheen jy wil,
en soek maar soveel as wat jy kan,
jy sal geen hoër weg daarbo,
en geen veiliger weg daaronder vind,
as die weg van die Heilige Kruis.
(Uit: De Imitatione Christi)

________________________


Jy kan nie vrede vir ander bring
as jy nie eers vrede in jouself gekry het nie.
(Die Weg)

________________________


Gebed is die asem van die geloof!

________________________


As God jou geestelike vertroosting skenk,
neem dit met danksegging aan,
maar verstaan dat dit 'n gunsbewys van God is
en nie jou eie verdienste nie.
(Uit: Thomas Á Kempis - De Imitatione Christi)

________________________


Jy kan nie die pyn in jou lewe vermy nie,
maar jy kan kies om daaroor te kom.
(Anoniem)

________________________


Onsterflikheid lê nie in dié dinge
wat jy agterlaat nie,
maar in die mense wat deur jou lewe
aangeraak is.
Phillip Schaf

________________________


Uiterlike skoonheid hou nie,
‘n mooi voorkoms is nie alles nie;
as sy die Here dien, dán verdien ‘n vrou om geprys te word.
Spreuke 31:30

________________________


Wanneer 'n mens nog nie sy ou natuur afgesterf het nie,
word hy dikwels versoek en oorwin deur
klein en onbenullige dingetjies.
(Uit: Thomas Á Kempis - De Imitatione Christi)

________________________


As jy iemand se karakter wil toets,
gee hom mag.
Warren Wiersbee
 

________________________


Wat julle ook al doen,
doen dit van harte soos vir die Here
en nie vir mense nie,
omdat julle weet dat julle van die Here
as beloning sal kry wat Hy belowe het.
Christus is die Here
in wie se diens julle staan.
(Kol 3:23–24)

________________________


Ons oordeel oor 'n saak word dikwels bepaal
deur die toestand van ons eie hart,
want die opregte oordeel gaan maklik verlore
deur die liefde vir onsself.
(Uit: Thomas Á Kempis - De Imitatione Christi)

________________________


Vertrou nie op vriende en verwante nie,
en laat nie jou heil aan die toekoms oor nie,
want die mense vergeet jou gouer as wat jy dink.
(Uit: Thomas Á Kempis - De Imitatione Christi)

________________________


Hy wat sy vreugde in díe van ander vind,
het die geheim van ware geluk ontdek.
George Barnados

________________________


Kopiereg: Lukas du Preez (dieweg.co.za). Ontwikkel op w3.css