Hy wat te veel ag slaan op wat ander mense van hom sê
sal nooit innerlike vrede ervaar nie.
- Leo Tolstoi -

________________________

Wat is al my kennis?
Dis net hier en daar ‘n skulpie optel
wat deur die golwe uitgespoel is op die strand.
Maar daar ver
- oneindig ver en ondeurgrondelik –
die oseaan,
die oseaan van die kennis van God.
-- I Newton (Fisikus/Wiskundige/Sterrekundige/Filosoof) –

________________________

Ware vriende bewys hulle liefde
in tyd van swaarkry,
nie in tyd van vreugde nie.
- Euripides (480 -406 vC) -  

________________________

Al is my oë bang
sal my hande nog werk.
- Siberiese spreekwoord -

________________________

Soos die eienaar van die vyeboom
weet wanneer die vye ryp is,
so ken ook God die tyd
wanneer Hy die regverdiges
uit hierdie wêreld moet wegroep.
-- Leo (Lew) Nikolajewitsch Graf Tolstoi, (1828 - 1910) --
 

________________________

Ons almal begaan foute,
elkeen net op sy eie manier.
 - Georg C. Lichtenberg (1742-1799) -
 

________________________

Wie anders is dit wat die wêreld oorwin
as hy wat glo dat Jesus die Seun van God is?
 - 1 Johannes 5:5 -

________________________

Baie van ons jag muise –
terwyl die leeus die land verslind.
 - Leonard Ravenhill -

________________________

Jy het min nodig om 'n gelukkige lewe te lei.
Dit is alles binne in jouself,
in die manier waarop jy dink.
- Marcus Aurelius (121 - 180 nC) -

________________________

Hy wat vrees dat hy gaan ly,
ly alreeds onder sy vrees.
-- Michel de Montaigne (1533-1592) --

________________________

Daar is een woord wat ons bevry
van al die swaarkry en pyn van die lewe.
Daardie woord is liefde.
-- Sophocles (497 - 406 vC) --
 

________________________

Jy is nie net verantwoordelik vir dit wat jy sê nie,
maar ook vir dit wat jy nie sê nie.
 - Martin Luther -
 

________________________

Ons het die verantwoordelikheid nodig
wat voortvloei uit die rus wat ons in God vind.
Hierdie verantwoordelikheid eis alles van ons,
maar dit is nie ‘n sweep wat ons voortjaag nie.
Dit is ‘n verantwoordelikheid wat ons gesond hou
omdat daar geen angs en eersug teenwoordig is nie.
- Prof Adolf Köberle, Tübingen –

________________________

Die lewensduur van 'n voorwerp word verkort
as dit onder voortdurende spanning (stres) verkeer.
Die oorsaak daarvan is ongebalanseerde kragte wat
nie in harmonie met mekaar saamwerk nie.
Jy lewe in harmonie met jouself,
wanneer jou uiterlike lewe
jou innerlike wese weerspieël.
 

________________________

Die grootste beloning vir jou moeisame arbeid
is nie wat jy daarvoor ontvang nie,
maar wat jy daardeur word.
- John Ruskin -

________________________

Geloof is nie die vermoë om in 'n verre
en onduidelike toekoms te glo nie.
Dit is eenvoudig om op God te vertrou
en die volgende stap te neem.
- Joni Erickson Tada -
 

________________________

Moenie net in die finansiële wêreld belê nie.
Belê iets van jouself en jy sal grootliks beloon word.
 - Charles Schwab -
 

________________________

Dit is eers in teëspoed
dat jy jouself regtig leer ken.
-- Outeur onbekend --

________________________

As ek regtig op God vertrou
sal ek Hom glo
selfs al verstaan ek nie altyd nie.
 - J. I. Parker - 

________________________

Enige beproewing wat jy as mens kan deurstaan
is 'n veredeling van jou karakter
en 'n verbetering van jou lewe.
- V Mortensen -
 

________________________

Niemand weet of hy iets sal kan doen
voordat hy nie eers probeer het nie.
- Publilius Syrus (1st eeu v.C) -
 

________________________

Moet nooit iets teen jou gewete doen nie.
Maak nie saak wie dit van jou verwag nie.
-- Albert Einstein --

Helde kom voor uit hulle
wat in alle omstandighede
hulle gewete gehoorsaam.
- Jan Terlouw -

________________________

Christenskap is nie
om sonder probleme deur die lewe te gaan nie,
maar om 'n karakter te ontwikkel
wat dit kan hanteer soos dit kom.
Dit maak die lewe nie makliker nie
maar maak ons sterk genoeg vir die lewe.
- James L Christensen -

________________________

Wantroue is 'n swaar wapenrusting,
met 'n baie groot las,
wat eerder hinder as beskerm.
- Robert Burns (1759 - 1796) –
 

________________________

Ek moet eers uit die boot klim
voordat ek op die water kan loop.
 - Joyce Meyer -
 

________________________

Die pad van die regverdiges is soos helder oggendlig
wat groei en sterker word tot dit heeltemal dag is;
die pad van die goddeloses is soos die donker:
hulle weet nie waaroor hulle sal struikel nie.
Spreuke 4:18-19

________________________

Selfs jongmanne word moeg en raak afgemat,
selfs manne in hulle fleur struikel en val,
maar dié wat op die Here vertrou,
kry nuwe krag.
Jesaja 40:30 -31
 

________________________

Vooroordele is soos 'n ruiker blomme.
'n Mens moet dit van tyd tot tyd herrangskik
(en die dooies uitgooi).
Luther Burbank (1849 - 1926)

________________________

Die lewe hou vir ons 'n betekenis in
in die mate waarin ons betekenis daaraan gee.
 

________________________

As jou lewe jou ware geloof weerspieël,
waarvoor en vir wie is jy dan bang?
- Julia Ward Howe (1819 - 1910)

________________________