Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Jy moet met mense saamleef
 om hul probleme te verstaan,
en met God saamleef
 om dit op te los.
- PT Forsyth (1848-1921) -

________________________


In sy eie oë is alles
wat ‘n mens doen, reg,
maar die Here toets die gesindheid.
Die Here verkies dat ‘n mens doen
wat regverdig en reg is
eerder as dat jy offers bring.
Spreuke 21:2-3

________________________


Die Here is my herder, ek kom niks kort nie.
Hy laat my in groen weivelde rus.
Hy bring my by waters waar daar vrede is.
Hy gee my nuwe krag.
(Psalm 23:1-2 NAV)

________________________


As ek weet dat die wêreld môre sal vergaan,
sal ek vandag steeds 'n boom plant.
Martin Luther (1483-1546) 

________________________


Vrees en wanhoop vergiftig jou hele wese
sonder om jou dood te maak.

________________________


Daar is diegene wat so bang is om 'n fout te begaan
dat hulle selde waag om iets te doen.
Luc de Clapiers Vauvenargues, (1715 - 1747)
 

________________________


Skoonheid lê nie in die uiterlike nie,
maar word deur die hart uitgestraal.
Khalil Gibran, Libanese Christelike filosoof  (1883 - 1931)
 

________________________


Jy kan dalk dié vergeet met wie jy saam gelag het
maar nooit dié met wie jy saam gehuil het nie.
Khalil Gibran (1883 - 1931)
 

________________________


Die gees is aan dieselfde wet onderworpe as die liggaam.
Beide moet deur voortdurende voeding onderhou word.
Luc de Clapiers Vauvenargues (1715 - 1747)
 

________________________


Ek het haat nodig vir selfverdediging.
As ek sterk was
sou ek so 'n wapen nooit gebruik het nie.
Khalil Gibran (1883 - 1931)

________________________


Ons sou minder daarna streef
om die agting van mense te bekom
as ons minder sou twyfel aan ons eie waarde.
Luc de Clapiers Vauvenargues (1715 - 1747)

________________________


Iemand wat geen doel meer in die lewe het nie
lei 'n vrugtelose bestaan
en misken God se wil met die mens.
 

________________________


Die kuns van die lewe is om
nie probleme te vermy nie
maar om daarmee te groei.
Anaximander ( 615 - 545 vC)

________________________


Ons is almal soms droefgeestig
maar om daarmee konsert te hou
word nie aanbeveel nie.
Eduard Graf von Keyserling (1855 - 1918)
 

________________________


Die hoogste vorm van geluk
kan alleen gevind word in
vergenoegdheid en ‘n rein gewete.
 

________________________


Bekommernis maak dat klein dingetjies
soms groot skaduwees gooi.
(Sweedse spreekwoord).

________________________


Vir iemand met geloof
 is geen verduideliking nodig nie.
Vir iemand sonder geloof
 is geen verduideliking moontlik nie.
- Thomas Aquinas (1225 – 1274) -
 

________________________


Vir geen toeskouer
was die arbeid ooit te swaar nie.
(Ierse gesegde)
 

________________________


Elke hart het sy rede
waarom hy nie rede wil verstaan nie.
Maar geloof oorspan alle rede.

________________________


As jy troebel water met rus laat
word dit vanself weer helder.
Laotse (6de eeu vC)
 

________________________


Plato (424 - 348 vC) het gesê:
"Wanneer mense van jou kwaad praat,
lewe dan so dat niemand hulle kan glo nie".

Beter egter is:
Lewe so, dat as iemand van jou kwaad praat,
niemand dit sal glo nie.
 

________________________


Jy begin eers werklik lewe
wanneer jy die doel van die lewe
begin raaksien.

________________________


Geloof is om te glo wat jy nie sien nie.
En die gevolg hiervan is
dat jy sien wat jy byna nie kan glo nie
Augustinus (354 – 430)

________________________


Sommige mense beskou hulle geloof
in dieselfde lig as ‘n restaurant.
Hulle wil net aansit om bedien te word.

________________________


Jy sal weet hoe om te lewe
die oomblik wat jy jouself begin vertrou.
Johann Wolfgang von Goethe
 

________________________


Moenie afgunstig wees op sondaars nie;
wees altyd ywerig om die Here te dien;
dan sal jy ’n toekoms hê
en jou hoop sal jou nie ontneem word nie.
(Spreuke 23:17-18)
 

________________________


Mens is ryk deur jou gees,
nie deur jou brandkluis nie.
Marcus Tullius Cicero (106 - 43 vC)

________________________


Tevredenheid is die grootste rykdom
wat 'n mens kan besit.
Alfred Nobel

________________________


Die meeste mense volg hulle lewe lank
'n weg sonder om te weet waarheen dit lei.
Mencius (4de eeu voor Christus)
 

________________________


Veg teen die wêreld
en behou jou innerlike vrede.
Dit is beter as omgekeerd.
Johannes Kienau (1880 - 1916)

________________________


Kopiereg: Lukas du Preez (dieweg.co.za). Ontwikkel op w3.css