Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Hy gee die vermoeides krag,
Hy versterk dié wat nie meer kan nie.
Selfs jongmanne word moeg en raak afgemat,
selfs manne in hulle fleur struikel en val,
maar dié wat op die Here vertrou, kry nuwe krag.
Hulle vlieg met arendsvlerke,
hulle hardloop en word nie moeg nie,
hulle loop en raak nie afgemat nie.
- Jesaja 40: 29-31 -

________________________


Om te lees sonder om daaroor na te dink
is soos om iets te eet sonder om dit te verteer.
 - Edmund Burke (1729 - 1797) –
 

________________________


Gebruik elke geleentheid
om die vlam van offervaardigheid
in jou kind te laat ontbrand,
waarsonder niemand
'n volkome mens kan wees nie,
wat ookal die posisie is
wat hy in die wêreld sal beklee.
 - Jean Baptiste Henri Lacordaire, (1802 - 1861) –

________________________


Hy wat sy ore uitleen aan ander mense
en almal wil tevrede stel
sal nooit innerlike vrede vind nie.
- Leo Tolstoi –
 

________________________


Ter wille van Myself en daarom alleen, doen Ek dit,
Ek laat my Naam nie oneer aandoen nie.
Ek gee die eer wat My toekom,
aan niemand anders nie.
- Jesaja 48:11 NAV –
 

________________________


Die weg van genade
is met offerstene uitgelê.
Henrik Ibsen (1828 - 1906), Noorweegse dramaturg
 

________________________


As iemand hom verbeel hy is iets en hy is niks,
bedrieg hy homself.
- Galasiërs 6:3 -

________________________


Elke stap van my was vas op die koers
wat U aangewys het.
My voete het nie daarvan afgewyk nie.
 -  Psalm 9:16 –
 

________________________


Die waarheid het buiten homself
geen ander beskerming nodig nie.
 - Arnold Ruge (1802 - 1880) - 
 

________________________


Uit dít wat jy oes,
kan jy sien wat jy gesaai het!
 -Nederlandse spreekwoord -

________________________


As jy vir iemand 'n lamp aansteek
dan verhelder dit ook jou eie weg.
- Mongoolse spreukwoord -
 

________________________


Wie al sy eie begeertes najaag,
sal nooit tevredenheid ervaar nie.
 - Anselm Grün -
 

________________________


Lewenservaring volg nie
uit wat met jou gebeur nie,
maar dit wat jy leer
uit wat met jou gebeur.
- Aldous Huxley (1894 - 1963) -
 

________________________


Is dit nie eienaardig nie
dat mense so graag vir hulle geloof veg
maar so min volgens sy voorskrifte leef.
 - Georg Christoph Lichtenberg (1742 – 24 February 1799) –

________________________


In Hom is die volle wese van God beliggaam,
en in verbondenheid met Hom
deel julle in sy volheid.
-- Kolossense 2:9-10 NAV -

________________________


Om met Jesus Christus te leef
is om in aanraking te bly met
“die sin van die lewe”.
 

________________________


Alles het Hy mooi gemaak op Sy tyd;
ook het Hy die ewigheid in hul hart gelê;
net dat die mens nie die werk wat God doen
kan begryp nie,
nóg die begin, nóg die einde.
 - Prediker 3:11 (alternatiewe vertaling) -

________________________


Dit is verbasend hoeveel jy kan bereik
as jy nie omgee
wie die eer gaan ontvang nie.
 - Harry S Truman (1884 – 1972) -

________________________


Vra nie, wie dit of dat gesê het nie,
maar aan wát gesê word,
moet jy aandag gee.
Mense gaan verby,
maar die waarheid van die Here
sal in ewigheid bly.
- Thomas A Kempis : Die Navolging van Christus -

________________________


Ek glo in God soos 'n blinde in die son,
nie omdat hy dit sien nie,
maar omdat hy dit voel.
 - Phil Bosmans (01/07/1922 - 18/01/2012) -
 

________________________


Dit is in alle omstandighede
beter om te hoop as om jou
in wanhoop oor te gee.
Watter mens kan immers bepaal
wat moontlik is en wat nie?
 - Johann Wolfgang von Goethe –

________________________


Toe ek gedink het my voete gly,
het u troue liefde my regop gehou, Here.
 - (Psalm 94:18) -

________________________


Ek het al baie dinge in my hande gehou
en ek het alles verloor.
Maar alles wat ek in God se hande geplaas het,
dié het ek nou nog.
 - Martin Luther (1483 - 1546)

________________________


As ons God vind, vind ons vryheid.
As ons God verloor, verloor ons ons vryheid.
 - Paul E. Scherer (1892 - 1969) -

________________________


..... daar kom ‘n ster uit Jakob,
daar staan ‘n heerser in Israel op.
  --Beliam profeteer van die komende Messias (Num 24:17) –

________________________


Wie in die Seun glo, het die ewige lewe;
wie egter aan die Seun ongehoorsaam is,
sal die lewe nie sien nie,
maar die straf van God bly op hom.
 - Joh 3:36, NAV -

________________________


Verbly julle in die hoop;
staan vas in verdrukking;
volhard in gebed.
-- Romeine 12:12 (1983 vertaling) --

________________________


Om uit die geloof te lewe beteken
om nie te weet waarheen jy gebring word nie
maar om die een te ken en lief te hê
wat jou lei.
Oswald Chambers (1874 - 1917)

________________________


Angs kan nie môre se sorge wegneem nie,
maar wel die krag vir vandag.
Charles Haddon Spurgeon, (1834 - 1892)
 

________________________


As jou lewe 'n ware weerspieëling is van jou geloof,
waarom vrees jy dan?
- Julia Ward Howe  (1819 - 1910) -
 

________________________


Kopiereg: Lukas du Preez (dieweg.co.za). Ontwikkel op w3.css