Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Die lewensduur van 'n voorwerp word verkort
as dit onder voortdurende spanning (stres) verkeer.
Die oorsaak daarvan is ongebalanseerde kragte wat
nie in harmonie met mekaar saamwerk nie.
Jy lewe in harmonie met jouself,
wanneer jou uiterlike lewe
jou innerlike wese weerspieël.
 

________________________


Die grootste beloning vir jou moeisame arbeid
is nie wat jy daarvoor ontvang nie,
maar wat jy daardeur word.
- John Ruskin -

________________________


Geloof is nie die vermoë om in 'n verre
en onduidelike toekoms te glo nie.
Dit is eenvoudig om op God te vertrou
en die volgende stap te neem.
- Joni Erickson Tada -
 

________________________


Moenie net in die finansiële wêreld belê nie.
Belê iets van jouself en jy sal grootliks beloon word.
 - Charles Schwab -
 

________________________


Dit is eers in teëspoed
dat jy jouself regtig leer ken.
-- Outeur onbekend --

________________________


As ek regtig op God vertrou
sal ek Hom glo
selfs al verstaan ek nie altyd nie.
 - J. I. Parker - 

________________________


Enige beproewing wat jy as mens kan deurstaan
is 'n veredeling van jou karakter
en 'n verbetering van jou lewe.
- V Mortensen -
 

________________________


Niemand weet of hy iets sal kan doen
voordat hy nie eers probeer het nie.
- Publilius Syrus (1st eeu v.C) -
 

________________________


Moet nooit iets teen jou gewete doen nie.
Maak nie saak wie dit van jou verwag nie.
-- Albert Einstein --

Helde kom voor uit hulle
wat in alle omstandighede
hulle gewete gehoorsaam.
- Jan Terlouw -

________________________


Christenskap is nie
om sonder probleme deur die lewe te gaan nie,
maar om 'n karakter te ontwikkel
wat dit kan hanteer soos dit kom.
Dit maak die lewe nie makliker nie
maar maak ons sterk genoeg vir die lewe.
- James L Christensen -

________________________


Wantroue is 'n swaar wapenrusting,
met 'n baie groot las,
wat eerder hinder as beskerm.
- Robert Burns (1759 - 1796) –
 

________________________


Ek moet eers uit die boot klim
voordat ek op die water kan loop.
 - Joyce Meyer -
 

________________________


Die pad van die regverdiges is soos helder oggendlig
wat groei en sterker word tot dit heeltemal dag is;
die pad van die goddeloses is soos die donker:
hulle weet nie waaroor hulle sal struikel nie.
Spreuke 4:18-19

________________________


Selfs jongmanne word moeg en raak afgemat,
selfs manne in hulle fleur struikel en val,
maar dié wat op die Here vertrou,
kry nuwe krag.
Jesaja 40:30 -31
 

________________________


Vooroordele is soos 'n ruiker blomme.
'n Mens moet dit van tyd tot tyd herrangskik
(en die dooies uitgooi).
Luther Burbank (1849 - 1926)

________________________


Die lewe hou vir ons 'n betekenis in
in die mate waarin ons betekenis daaraan gee.
 

________________________


As jou lewe jou ware geloof weerspieël,
waarvoor en vir wie is jy dan bang?
- Julia Ward Howe (1819 - 1910)

________________________


Wanneer een deur toegaan
gaan 'n ander deur oop.
Maar ons staar gewoonlik so angstig
na die geslote deur
dat ons nie die geopende deur raaksien nie.
- Alexander Graham Bell -
 

________________________


Geloof het dieselfde effek as radar
wat deur digte mis kan sien.
- Corrie ten Boom -
 

________________________


Die lewe bestaan uit 10% wat met jou gebeur
en 90% hoe jy daarop reageer.
- Anoniem -

________________________


Die belangrikste gevegte in ‘n mens se lewe
word in die stille binnekamers
van jou siel geveg.
 - David O. McKay –
 

________________________


Maak eers vrede met jouself
dan kan jy vrede vir ander bring.
 - Thomas a Kempis (1380 - 1471) -

________________________


Behandel jou meerdere met beleefdheid
omdat dit jou plig is;
jou gelyke omdat dit jou plesier is;
jou mindere omdat dit jou voorreg is.
 - CJ Langenhoven -

________________________


Almal soek die goedgesindheid
van ‘n man met mag,
elkeen is die vriend van iemand
wat geskenke uitdeel.
-Spreuke 19:6 (NAV) -

________________________


Geen mens kom net as
toeskouer na die wêreld nie.
 

________________________


Waar die wil van die Here
nie bekend gemaak word nie,
verwilder ‘n volk;
dit gaan goed met elkeen
wat die wet van die Here onderhou.
 - Spreuke 29:18 - (NAV)

________________________


As jy vir mense bang is,
kan jy in 'n strik beland,
maar as jy jou vertroue
in die Here stel, is jy veilig.
- Spreuke 29:25 -
 

________________________


Doen wat van jou verwag word,
en voeg dan nog ‘n bietjie meer by.
 - Samuel Grady -
 

________________________


Om kwaad te word is om
jouself te straf vir iemand anders se foute.
Om ander te vergewe is om
goed te wees vir jouself.
Anoniem

________________________


Ek is hulpeloos en arm,
maar die Here dink aan my.
(Psalm 40:18)

________________________


Kopiereg: Lukas du Preez (dieweg.co.za). Ontwikkel op w3.css