Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Die sin van die lewe
is 'n lewe met sin.
 - Robert Burns, (1759 - 1796) -
 

________________________


Hoor 'n mens woorde
sonder om daaroor na te dink,
dan sal die teenoorgestelde daarvan
net soveel betekenis vir jou hê.
 - Lü Bu Wei ( 291–235 vC) -
 

________________________


Die aambeeld breek baie hamers
deur stil die harde houe te verduur.
- Outydse spreekwoord -

________________________


Wat nie goed is vir die korf,
is nie goed vir die bye nie.
- Marcus Aurelius (121-180 nC) –
 

________________________


Kan enige mens ooit op prestasies soos die bye roem?
Het enige filosoof al so 'n volmaakte gemeenskap ontwerp?
 - Desiderius Erasmus (1466 - 1536) -

________________________


Die gemeenskap mag nie 'n masker wees
waaragter die een glimlag
en die ander huil nie.
- George Pompidou -
 

________________________


Watter klein deel
van die eindelose en onmeetbare tyd
is aan elk van ons op aard’ uitgemeet!
Snel word dit deur die ewigheid opgesluk!
 - Marcus Aurelius (121-180 nC) -
 

________________________


Dit is veel beter om te swyg,
weg te gaan en iets nuttigs te doen,
as om urelank te praat
oor iets wat nie verander kan word nie.
- Uit Nederland -
 

________________________


Ek prys nooit 'n deug
wat nog nie die toets
van 'n storm deurstaan het nie.
 -Friedrich von Bodenstedt (1819 - 1892)-
 

________________________


Kennis is soos goeie wyn,
maar geen wyn kan homself teen bederf verweer,
as die vat waarin dit bewaar gaan word
nie skoon is nie.
 - Michel Eyquem de Montaigne  (1533-1592) -
 

________________________


My omgang met mense sal verbeter
wanneer my omgang met God - my gebed - verbeter.
 -Ignaz Seipel, (1876 - 1932)-
 

________________________


Elke belofte van God is betroubaar;
Hy beskerm dié wat by Hom skuil.
 - Spreuke 30:5 NAV  - 

________________________


En omdat ons kinders (van God) is,
is ons ook erfgename.
Ons is erfgename van God,
erfgename saam met Christus.
Aangesien ons deel het aan sy lyding,
sal ons ook deel hê aan sy heerlikheid.
- Romeine 8:17 -
 

________________________


As elke mens,
in plaas van die wêreld te probeer red,
homself eers red;
in plaas van om die mensheid te probeer bevry,
homself eers bevry;
hoeveel sal hy dan nie kan bydra
tot die redding van die wêreld
en die bevryding van die mense nie!
 -Alexander Iwanowitsch Herzen, (1812 - 1870) -

________________________


Wie bely dat Jesus die Seun van God is-
God bly in hom en hy in God.
  - 1 Johannes 4:15 -
 

________________________


Sorg daarenteen dat julle steeds toeneem in die genade
en kennis van ons Here en Verlosser, Jesus Christus.
Aan Hom behoort die heerlikheid,
nou en tot in ewigheid! Amen.
 -2 Petrus 3:18 NAV -
 

________________________


Jy is nie hier om net vir jouself te leef nie,
maar om 'n bydrae te maak tot 'n beter wêreld:
met beter insigte deur 'n gees van hoop.
Jy is hier om die wêreld geestelik te verryk,
en jy verarm jouself as jy hierdie opdrag vergeet.
 - Woodrow Wilson (1856-1924) -
 

________________________


Roem is net 'n damp,
gewildheid net 'n toeval,
rykdom neem vlerke,
maar karakter bly altyd staan.
 - Horace Greeley (1811-1872) -
 

________________________


Gelukkig is hy wat sy ware roeping gevind het.
Hy smag na geen ander geluk nie.
 -Thomas Carlyle, (1795 - 1881) -

________________________


By die meeste mense berus ongeloof
in die sigbare Waarheid van Christus,
op 'n blinde geloof in iets anders.
 - met apologie aan Georg Lichtenberg (1742 - 1799) -

________________________


Wat kan ek die Heer vir al sy guns vergeld?
Wat kan ek Hom bring uit dank vir sy genade?
Ek sal Hom prys vir sy verlossingsdade
en by die kelk van heil sy Naam vermeld.
- Psalm 116:7 (Beryming) -
 

________________________


Ons besef eers die waarde van water
wanneer die bron daarvan opgedroog het.
 - Thomas Fuller (1608-1661) -
 

________________________


Geen pen en papier
kan ooit die feite ongedaan maak
wat met bloed geskryf is nie.
- onbekend -
 

________________________


Want julle het gesterwe,
en julle lewe is saam met Christus
verborge in God.
- Kolossense 3.3 -
 

________________________


As jy nie weet waarheen jy wil gaan nie
help dit nie om die pad te vra nie.

________________________


Daarom kan Hy ook volkome red
die wat deur Hom tot God gaan,
omdat Hy altyd leef om vir hulle in te tree.
- Hebreërs 7:25 -
 

________________________


'n Tevrede gees is die grootste seën
wat 'n mens in hierdie wêreld kan hê.
 - Joseph Addison (1672-1719) -
 

________________________


God wat saad verskaf om te saai
en brood om te eet,
sal ook aan julle saad gee
en dit laat groei
en julle vrygewigheid ‘n ryk oes laat oplewer.
- 2 Kor 9:10 NAV -
 

________________________


"Ek is die Alfa en die Omega," sê die Here God,
Hy wat is en wat was en wat kom, die Almagtige.
- Openbaring 1:8  NAV -
 

________________________


Jou siel is die naaste aan jou,
maar dit is nie jou "eie ek" nie.
 - Jose Ortega y Gasset (1883-1955) –

________________________


Kopiereg: Lukas du Preez (dieweg.co.za). Ontwikkel op w3.css