Jy hoef nie hard te skree nie;
Hy is nader aan ons as wat ons dink.
- Brother Lawrence (1614 – 1691) -
 

________________________

Niemand is tevrede met sy rykdom
of ontevrede met sy gees nie.
- Antoinette Deshoulières (1638-1694) -
 

________________________

Jy kan nie besluit wanneer jy gaan sterf
of hóé jy gaan sterf nie.
Maar jy kan wel besluit hóé jy gaan lewe.
- Joan Baez -
 

________________________

Dit gaan goed met die mens wat wysheid gevind het,
wat insig as sy deel ontvang het,
want dit bring meer winste in as silwer
en lewer 'n groter opbrengs as goud.
Dit het meer waarde as edelstene;
wat jy ook al as kosbaar beskou,
niks kan daarmee vergelyk word nie.....
Dit is 'n bron van lewe vir wie dit aangryp,
dit gaan goed met dié wat daaraan vashou.
- Spreuke 3:13-18 -

 

________________________

Daar is armes met groot geestelike rykdom
en rykes met groot geestelike armoede.
 - onbekend -
 

________________________

Daar is geen punt daarin om die byl te begrawe
en dan die plek te merk waar dit begrawe is nie!
- Sydney Harris (1917-1986) -

 

________________________

Julle moenie aan hierdie sondige wêreld gelyk word nie,
maar laat God julle verander deur julle denke te vernuwe.
Dan sal julle ook kan onderskei wat die wil van God is,
wat vir Hom goed en aanneemlik en volmaak is.
- Romeine 12:2 -
 

________________________

Geloof in God
is die enigste anker vir die siel
in 'n stormagtige wêreld.
 

________________________

Hiéraan is dit duidelik wie kinders van God
en wie kinders van die duiwel is:
iemand wat nie regverdig lewe nie
en nie sy broer liefhet nie,
behoort nie aan God nie.
- 1 Johannes 3:10 -

 

________________________

Baie mense wil nie eerlike antwoorde hê nie
omdat dit onaangenaam en ontstellend kan wees.
Hulle soek 'n sagte antwoord om die angstigheid weg te neem.
- Louis Kronenberger (1904-1980) -
 

________________________

Ons begryp die misterie van die atoom
maar verwerp die Bergrede (sien Mat 5-7).
- Generaal Omar N Bradley (1893 – 1981) -
 

________________________

Angstigheid neem nie môre se leed weg nie,
maar wel die krag vir vandag.
- Charles Haddon Spurgeon (1834-1892) -
 

________________________

Wat God doen, is volmaak;
wat die Here sê, is suiwer.
Elkeen wat by Hom skuiling soek, beskerm Hy.
- Psalm 18:31 -

 

________________________

Dié mens is die gelukkigste wat
van dag tot dag kan leef
en vir niks meer vra nie
as om die eenvoudige goedheid van die lewe te waardeer.
- Euripides (480 – 406 vC) -

 

________________________

En ek het ‘n nuwe hemel en ‘n nuwe aarde gesien,
want die eerste hemel en die eerste aarde het verbygegaan;
en die see was daar nie meer nie.
- Openbaring 21:1 -
 

________________________

Met die geloof kan jy dinge waarneem
wat nie met die sintuie moontlik is nie,
maar tog sal dit nooit die sintuie weerspreek nie.
- Blaise Pascal (1623 – 1662) -

 

________________________

As ons nie vrede in onsself het nie,
sal ons dit tevergeefs buite onsself gaan soek.
- Francois de La Rochefoucauld (1613-1680) -

 

________________________

Here my God, U het baie wonderlike dinge gedoen;
U dink altyd aan ons;
daar is niemand soos U nie.
Ek sou daarvan wou vertel en daaroor praat,
maar dit is te veel om op te noem.
- Psalm 40:6 -
 

________________________

Moed is ........
die kennis hoe om te vrees wat gevrees moet word
en hoe om nie te vrees wat nie gevrees moet word nie.
- David Ben-Gurion (1886 – 1973) -

 

________________________

Toe ek na U geroep het,
het U my gebed verhoor en my nuwe krag gegee.
- Psalm 138:3 -
 

________________________

'n Gebed het meer van die hart nodig
en minder van die mond.
- Adam Clarke (1760-1832) -

 

________________________

Moenie bid vir 'n gemaklike lewe nie,
maar bid om sterker te kan wees.
Moenie bid vir 'n taak wat by jou kragte pas nie,
maar bid om krag vir jou taak.
- Phillips Brooks (1835 – 1893) -
 

________________________

Wie kwaad van jou praat,
doen dit omdat hulle ongelukkig is.
Bid daarom vir hulle,
want hoe beklaenswaardig is húlle wat 'n tekort aan liefde het.
- Okke Jager (1928 – 1992) -

________________________

As jy nie vrede in jouself kan vind nie,
hoef jy dit ook nie op 'n ander plek te gaan soek nie.
- Francois de La Rochefoucauld (1613-1680) -
 

________________________

Ons lewe in 'n wêreld wat gevul is met kommer en angs....
daarom het ons die vrede van God nodig
wat oor ons harte en gedagtes die wag kan hou.
 - Jerry W McCant -
 

________________________

Ek weet dat ek Iemand naby my het
op wie ek, sonder voorbehoud, my vertroue kan plaas
en dit is dít wat my rus en krag gee.
- Edith Stein (1891 – 1942 te Auschwitz) -
 

________________________

Dié wat aan Christus Jesus behoort,
het hulle sondige natuur
met al sy hartstogte en begeertes gekruisig.
Ons lewe deur die Gees;
laat die Gees nou ook ons gedrag bepaal.
- Galasiërs 5:24-25 -

 

________________________

Ek het as die lig na die wêreld toe gekom,
sodat dié wat in My glo,
nie in die duisternis sou bly nie.
- Johannes 12:46 -
 

________________________

Vir die wêreldse mens gaan dit
om die triomf van die eie wil;
vir die gelowige
om die triomf van die geloof.
 

________________________

In die dood begin die lewe.
 - Sigrun Hopfensperger -
 

________________________