Waarin bestaan berusting?
Daarin dat jy God 'n plek gee
tussen jouself en jou sorge
- Dr JH Gunning J Hz (1858 – 1940) -

 

________________________

Jou lewensdoel wanneer jy oud is,
is om vrug te dra, nie om uit te rus nie.
Later sal daar genoeg tyd wees vir rus.
- Dr JH Gunning J Hz (1858 – 1940) -
 

________________________

Ook die lyding wat sinloos lyk
kry betekenis en krag
as ons dit net aanvaar met 'n gehoorsame wil.
- Dr JH Gunning J Hz (1858 – 1940) -
 

________________________

Liefde vir God kom   
wanneer 'n mens die geheimenis van die lewe ontdek het.
- Alexandre Vinet (1797 – 1847) -
 

________________________

Liefde is 'n druppel uit die hemel,
wat afvloei in die kelk van die lewe
om die bitterheid van die inhoud te versag.
- John Wilmot, Graaf van Rochester (1647-1680) -
 

________________________

Daar is niks belangriker as dat ons
ons in geloof en kinderlike vertroue
op God sal verlaat nie
- Carl Heinrich von Bogatzky (1690-1774) -
 

________________________

Al is ek afgetakel na liggaam en gees,
God is my sterkte;
aan Hom behoort ek vir altyd.
- Psalm 73:26 -
 

________________________

Maak my u wil bekend, Here, leer my u paaie.
Laat u waarheid my lei en onderrig my daarin,
want U is God, my redder.
In U stel ek elke dag my verwagting.
- Psalm 25:4 -

 

________________________

Elke mens het sy verborge verdriet wat ander nie sien nie,
en ons noem 'n persoon dikwels afsydig,
terwyl hy niks anders is as net moedeloos nie.
- Henry Wadsworth Longfellow (1807 – 1882) -

 

________________________

Dit is beter om haweloos te wees
as hoop-loos.
- Pavel Kosorin -
 

________________________

Ek is nie bang vir die duisternis daarbuite nie,
dit is die duisternis in mense se harte
wat my angstig maak.
- onbekend -

 

________________________

Alle mense is soos gras,
alles waarop hulle staatmaak, is soos 'n veldblom:
gras verdor en blomme verwelk
as die Here sy wind daaroor laat waai.
Dit ís so, die volk is soos gras.
Gras verdor en blomme verwelk,
maar die woord van ons God bly vir ewig.
- Jesaja 40:6-8 -
 

________________________

Dra dan vrugte wat by die bekering pas....
Maar die byl lê ook al teen die wortel van die bome.
Elke boom wat geen goeie vrugte dra nie,
word uitgekap en in die vuur gegooi.
- Mattheus 3:8-10 (53-vertaling) -
 

________________________

Ons moet kniel voor God .....
en dan opstaan vir die lewe.
Ons kan dalk oor klippe val.
Ons kan dalk iewers dwaal.
Ons kan dalk deur die donker oorval word.
Die wolke kan dalk rondom ons toetrek
en die ysige stortreën op ons neergiet.
Maar ons loop aan, wetende dat die ewige,
onsienlike God oor ons waak.
- Izak de Villiers (1936-2009) -
 

________________________

Die Lewe het gekom;
ons het Hom gesien en is getuie daarvan,
en ons verkondig aan julle die Ewige Lewe
wat by die Vader was en aan ons geopenbaar is.
- 1 Johannes 1:2 -
 

________________________

Kyk, Ek staan by die deur en Ek klop.
As iemand my stem hoor en die deur oopmaak,
sal Ek by hom ingaan
en saam met hom die feesmaal hou,
en hy saam met My.
- Openbaring 3:20 -

 

________________________

.. Moenie skaam wees om die boodskap
van die Here te verkondig nie .....
Hy het ons gered en ons geroep
om aan Hom toegewy te wees.
Dit het Hy gedoen, nie op grond van ons dade nie,
maar op grond van sy eie besluit
en die genade wat Hy van ewigheid af
in Christus Jesus aan ons geskenk het.
- 2 Timoteus 1:8-9 -
 

________________________

Julle, daarenteen, is 'n uitverkore volk,
'n koninklike priesterdom,
'n nasie wat vir God afgesonder is,
die eiendomsvolk van God,
die volk wat die verlossingsdade moet verkondig
van Hom wat julle uit die duisternis geroep het
na sy wonderbare lig.
- 1 Petrus 2:9 -

 

________________________

Toe het ek 'n groot wit troon gesien
en die Een wat daarop sit.
Die aarde en die hemel het voor Hom padgegee,
en daar was nie meer plek vir hulle nie.
- Openbaring 20:11-
 

________________________

So sê die Here jou Verlosser
wat jou in die moederskoot gevorm het:
Ek is die Here, Ek het alles geskep,
Ek alleen het die hemel oopgespan,
Ek het die aarde gevorm; daar was niemand by nie.
Ek stel die toekomsvoorspellers aan die kaak,
Ek maak die waarsêers belaglik.
Ek weerlê dié geleerde mense,
Ek ontmasker hulle kennis as dwaasheid.
- Jesaja 44:24-25 (83-vertaling) -
 

________________________

Kyk, Ek is die HERE, die God van alle vlees;
sou enige ding vir My te wonderbaar wees?
- Jeremia 32:27 -

 

________________________

Die wêreld is nie soos 'n gebou wat voortbestaan
al is die boumeester afwesig nie.
As God sy hand van die wêreld wegneem
sal dit ophou met bestaan.
 - Augustinus Aurelius (354 – 430) -
 

________________________

Omdat God ons vergewe het
behoort ons onsself ook te vergewe.
- CS Lewis (1898 – 1963) -
 

________________________

As die hart tot harmonie geknee is
deur die stampe op ons pad,
ook tussen die klein dingetjies waarmee ons omgaan,
dan sal ons die rus en die vrede
in ons eie binnekamer vind.
Elders sal ons dit nooit vind nie.
- John van der Berg (1913-1974) -

 

________________________

Veertig jaar lank het U vir hulle gesorg,
hulle het niks kortgekom in die woestyn nie.
Hulle klere het nie verslyt nie,
hulle voete het nie geswel nie.
- Nehemia 9:21 -

 

________________________

Moenie op jou eie hoop steun nie,
maar steun op Christus,
die bron van jou hoop.
Charles H Spurgeon (1834-1892) -
 

________________________

Leer ons om te dien soos U van ons verwag;
om te gee en nie die koste te bereken nie;
om te veg en nie op die wonde ag te gee nie;
om te werk en nie na rus te soek nie
en nie te vra vir enige beloning nie
behalwe die wete dat ons u heilige wil doen.
- Ignatius van Layola (1491-1561)
 

________________________

Hou vas aan die lewe!
Hou vas aan die hoop!
Hou vas aan God!
En op 'n dag sal die lig weer begin skyn.
- IL de Villiers -

 

________________________

Hoe donker dit ook al is,
is ons nooit ver van die lig nie.
- Francois de Sales (1567 – 1622) -
 

________________________

Ek bestraf en tug elkeen wat Ek liefhet.
Laat dit dan vir julle erns wees en bekeer julle.
- Openbaring 3:19 -
 

________________________