Die Weg

Hieronder is 'n lys van die daaglikse Gedagtes vir die dag wat reeds geplaas is

Dit verskyn ook op die Tuisbladsy en 'n nuwe gedagte word elke weeksdag bygevoeg.

Plaas asb jou naam op ons verspreidingslys indien jy elke weeksdag Gedagte vir die dag as epos wil ontvang

Indien jy dit dan nie ontvang nie, maak asb seker dat jou SPAM-filters dit nie verwyder nie.

strepie


Die edelste in die lewe
is om getrou aan jouself te wees.
- Elzéar-Alexandre Taschereau, (1820 – 1898) -
 

________________________


My siel is onrustig in my,
totdat dit rus vind in God.
- Augustinus (354-430 nC) -

 

________________________


Ek sien ‘n nuwe hemel kom,
‘n aarde nuut en vry.
Die see en al wat skei verdwyn.
God self kom by ons bly.

‘Kyk, Ek maak alles nuut’, sê God.
‘Laat hom wat dors het, kom.
En hy sal vind, hy is My kind
Ek is ‘n God vir hom!’
- Gesang 177 -
 

________________________


In Christus het die Heilige Gees
wat deur God belowe is,
julle as die eiendom van God beseël.
Die Heilige Gees is die waarborg
dat ons ook verder sal ontvang wat God belowe het,
wanneer Hy almal wat aan Hom behoort,
volkome sal verlos.
Daarom moet ons sy grootheid prys.
- Efesiërs 1:13-14 -

 

________________________


Daarom is ek bly oor swakhede, beledigings, ontberings,
vervolging en moeilikhede ter wille van Christus,
want as ek swak is, is ek sterk.
- 2 Korintiërs 12:10 -
 

________________________


Is dit so dat geld die karakter bederf,
of ontbloot dit net die werklike karakter?
- Gudrun Zydek -

 

________________________


Christus het ons nie 'n moeitevrye reis belowe nie
maar wel 'n versekerde aankoms.
 

________________________


Maar nou dat julle vrygemaak is van die sonde
en diensbaar geword het aan God,
het julle jul vrug tot heiligmaking
en uiteindelik die ewige lewe.
- Romeine 6:22 (53-vertaling) -
 

________________________


Sonder God is die mens se lewe sonder doel,
sonder vaste hoop,
sonder 'n toekoms,
met net 'n ewige vrees vir die duistere onbekende.
- Johann Paul Friedrich Richter (1763 – 1825) -
 

________________________


Die meeste mense het nog nooit
met die Waarheid kennis gemaak nie
en is vasgevang in angswekkende ongeloof.
- Gottfried Wilhelm Leibniz (1646 – 1716) -
 

________________________


Dit is die grootste beloning vir die mens:
dat hy al sy hoop op God kan stel.
- Bernhard von Clairvaux (1091 – 1153) -
 

________________________


Ek hou die HERE altyd voor oë;
omdat Hy aan my regterhand is,
sal ek nie struikel nie.
- Psalm 16:8 -

 

________________________


Laat ons die wedloop wat vir ons voorlê,
met volharding hardloop,
die oog gevestig op Jesus,
die Begin en Voleinder van die geloof.
- Hebreërs 12:1-2 -
 

________________________


Die heilige diepte van die waarheid
word alleen aan die eerbiedige gees geopenbaar.
- Joseph Ignaz Philipp von Hessen-Darmstadt (1699 – 1768) -
 

________________________


Die lewe en die dood hoort saam op hierdie aarde.
In die ryk van God is daar net die lewe.
- Philipp Dessauer (1837 – 1900) -

 

________________________


Jy kan die wêreld nie verander nie,
maar jy kan vir een persoon die wêreld verander.
 

________________________


'n Lewe sonder liefde
is soos 'n boom sonder bloeisels of vrugte.
- Kahlil Gibran (1881-1931) -
 

________________________


Daar is maar net één wetenskap 
wat dien as basis vir die ware lewe in tyd en ewigheid:
die wetenskap van die heil van die mensheid in God.
- Johann Christoph Biernatzki (1795 – 1840) -

 

________________________


Dit is die wil van my Vader:
dat elkeen wat die Seun sien en in Hom glo,
die ewige lewe sal hê;
en Ek sal hom op die laaste dag
uit die dood laat opstaan.
- Johannes 6:40 -

 

________________________


Deur die liefde van die Here
het ons nie vergaan nie;
daar is geen einde aan sy ontferming nie,
dit is elke môre nuut.
U trou is groot.
- Klaagliedere 3:22-23 -
 

________________________


Die HERE sal jou bewaar vir elke onheil;
jou siel sal Hy bewaar.
Die HERE sal jou uitgang en jou ingang bewaar,
van nou af tot in ewigheid.
- Psalm 121:7-8 -

 

________________________


Dit is nie waar dat die perd die oorwinning gee
en dat sy groot krag redding bring nie.
Dit is die Here wat sorg vir dié wat Hom eer,
vir dié wat op sy mag vertrou
om hulle van die dood te red
en hulle in die lewe te hou in hongersnood.
Ons vertrou op die Here:
Hy is ons hulp en ons beskermer.
- Psalm 33:17-20 -
 

________________________


Dit was vir my goed om soveel te ly;
U het my lief, U het my uit die dood gered;
U het al my sondes vergewe.
-Jesaja 38:17 -

 

________________________


As die krisis iemand tref wat hardkoppig is,
is daar niks wat gaan help nie;
dit is asof onkruid sy lewe oorgeneem het.
- Die Wysheid van Jesus Ben Sirag 3:28 -
 

________________________


Wie op sy rykdom staatmaak,
kom tot 'n val;
wie reg doen,
floreer soos groen blare aan 'n boom.
- Spreuke 11:28 -

 

________________________


Ek sou die duisternis kon vra om my weg te steek,
of die lig rondom my om in nag te verander,
maar vir U is selfs die duisternis nie donker nie
en die nag so lig soos die dag,
duisternis so goed soos lig.
U het my gevorm,
my aanmekaargeweef in die skoot van my moeder.
Ek wil U loof,
want U het my op 'n wonderbaarlike wyse geskep.
Wat U gedoen het, vervul my met verwondering.
Dit weet ek seker:
geen been van my was vir U verborge
toe ek gevorm is waar niemand dit kon sien nie,
toe ek aanmekaargeweef is diep in die moederskoot.
U het my al gesien toe ek nog ongebore was,
al my lewensdae was in u boek opgeskrywe
nog voordat ek gebore is.
- Psalm 139:11-16 -
 

________________________


Waarin bestaan berusting?
Daarin dat jy God 'n plek gee
tussen jouself en jou sorge
- Dr JH Gunning J Hz (1858 – 1940) -

 

________________________


Jou lewensdoel wanneer jy oud is,
is om vrug te dra, nie om uit te rus nie.
Later sal daar genoeg tyd wees vir rus.
- Dr JH Gunning J Hz (1858 – 1940) -
 

________________________


Ook die lyding wat sinloos lyk
kry betekenis en krag
as ons dit net aanvaar met 'n gehoorsame wil.
- Dr JH Gunning J Hz (1858 – 1940) -
 

________________________


Liefde vir God kom   
wanneer 'n mens die geheimenis van die lewe ontdek het.
- Alexandre Vinet (1797 – 1847) -
 

________________________


1 *  2 *  3 *  4 *  5 *  6 *  7 *  8 *  9 *  10 *  11 *  12 *  13 *  14 *  15 *  16 *  17 *  18 *  19 *  20 *  21 *  22 *  23 *  24 *  25 *  26 *  27 *  28 *  29 *  30 *  31 *  32 *  33 *  34 *  35 *  36 *  37 *  38 *  39 *  40 *  41 *  42 *  43 *  44 *  45 *  46 *  47 *  48 *  49 *  50 *  51 *  52 *  53 *  54 *  55 *  56 *  57 *  58 *  59 *  60 *  61 *  62 *  63 *  64 * 

Kopiereg: Lukas du Preez (dieweg.co.za). Ontwikkel op w3.css