Die Weg

 

Toekoms vol van hoop

In die tyd van Lot het dit ook net so gegaan: hulle het maar soos gewoonlik geëet en gedrink, gekoop en verkoop, geplant en gebou.” - Lukas 17:28.

Lukas 17:20-37 handel oor die onverwagse wederkoms van Christus. Die mens leef asof die aardse bestaan die begin en die einde van die lewe is. 

’n Baba bring die eerste weke van sy lewe deur deur melk te drink, die voeding vir sy liggaam op te neem en te slaap. Die baba het geen gedagte aan 'n toekoms nie. Soos wat hierdie mens groei en grootword, kom daar baie dinge by. Tog bly eet en drink, slaap, werk en die aangaan van verhoudinge die belangrikste van 'n mens se lewe. Maar kan dit al wees? En hoe dink ons oor die toekoms?

Jesus gee 'n duidelike antwoord. “Ek is die toekoms!” sê hy. Die lewe gaan nie voort in 'n nimmereindigende siklus nie. Daar kom 'n tyd wanneer Jesus Christus self hierdie bestel tot 'n einde sal bring en 'n regverdige Regter oor alle mense sal wees, dié wat dan nog lewe en die wat reeds gesterf het. Christus sal kom en alles nuut maak. Daarom is dit wys om jou lewe na hierdie verwagting te orden en nie jouself in alledaagse dinge te verloor nie.

Dit is goed om hierdie Koning te dien wat vir ewig sal regeer. Dit is wonderlik om jou hoop op Hom alleen te stel en met hierdie hoop te leef. Vir diegene wat aan Jesus Christus behoort, het daardie toekoms vandag reeds begin.

Andrea Eißler in Neukirchener Kalender 2021 (aangepas)
 

Kopiereg: Lukas du Preez (dieweg.co.za). Ontwikkel op w3.css