Die Weg

 

Welkom in my wêreld

Na aanleiding van die verkiesing wat op hande is, het ek dit goed gedink om hierdie gediggie van Mauricio Plat, uit die Nederlands vertaal, hier te plaas. Mauricio het in 2014 die prys “bij 4 mei” in Nederland gewen vir die beste gedig van jongmense tussen die ouderdom van 14 en 19 jaar. Die 4de Mei is die nasionale herdenkingsdag in Nederland vir almal wat hulle lewens gedurende die Tweede Wêreldoorlog verloor het.

Welkom in my wêreld

Welkom in my wêreld:
Waar afkoms glad nie tel nie,
waar liefde straal in elke lewe
en niemand iemand haat nie.

Waar geen konflikte is
en niemand die woord korrupsie ken.
Waar alleen by die kleure van jou hart
die mense jou herken.

'n Wêreld waarin politici
geen ydele beloftes maak.
Waar kinders uit 'n huwelik gebore
die ouerliefde smaak.
Waar 2 minute stiltes nie nodig is.
Waar oorlog nooit kan wees nie
en niemand dierbares mis.

My wêreld is 'n wêreld
wat slegs uitkom in 'n droom
waar geluk en vrede heers,
waar elke mens mag woon
en niemand 'n ander se lewe beheers.

Welkom in 'n wêreld,
waar alles magies lyk
maar nog altyd 'n sprokie is
vér van die werklikheid.

Mauricio Plat (Uit Nederlands vertaal)

 

Kopiereg: Lukas du Preez (dieweg.co.za). Ontwikkel op w3.css